ഹോസ്പിറ്റലിൽ രവിയുടെ മുറിക്ക് പുറത്ത് റീമ മടിച്ചു നിന്നു. ഇടനാഴിയിൽ മുഴുവൻ മരുന്നിന്റെ മണമായിരുന്നു. എല്ലാവരും ദുഃഖിതരായി അങ്ങോട്ടുമിങ്ങോട്ടും വേഗത്തിൽ നടക്കുന്നതു കാണാമായിരുന്നു. ആശുപത്രിയെന്നാൽ മൊത്തത്തിൽ ഒരു ദുഖമാണ്, പ്രസവ വാർഡ് ഒഴികെ. കുറച്ചു നേരം നിശ്ചലയായ് അവൾ അവിടെ നിന്നു, അവളുടെ കൈ ഡോർ ഹാൻഡിലിനു മുകളിലൂടെ ചലിച്ചു. അവൾ കണ്ണുകൾ അടച്ച് ഒരു ദീർഘ നിശ്വാസമെടുത്ത് അകത്തേക്ക് കയറി. ഹാർട്ട് മോണിറ്ററിന്റെ നേരിയ ബീപ്പിംഗ് ഒഴികെ മുറിനിശ്ശബ്ദമായിരുന്നു. രവി കട്ടിലിൽ കിടക്കുകയായിരുന്നു. ഒരിക്കൽ കണ്ടാലാരും നോക്കിപ്പോകുന്ന അവന്റെ മുഖം വളരെ വിളറി പോയിരിക്കുന്നു. അവനെ ഇങ്ങനെ കണ്ടപ്പോൾ റീമയുടെ ഹൃദയം അവൾ പ്രതീക്ഷിക്കാത്ത വിധം വേദനിച്ചു. [...]

Chapter 1 “As I walked out the door toward the gate that would lead to my freedom, I knew if I didn't leave my bitterness and hatred behind, I'd still be in prison.” ― Nelson Mandela തിരക്കേറിയ നഗരത്തിന്റെ ഓരം ചേർന്നു ആമി വേഗത്തിൽ നടന്നു. ശീഘ്രം പായുന്ന വാഹനങ്ങളുടെ ഇരമ്പലും അവയുടെ ഇടതടവില്ലാത്ത ഹോണുകളും ഒന്നും അവളുടെ കാതിലേക്കു എത്തുന്നുണ്ടായിരുന്നില്ല. അവളുടെ മനസ്സ് ഗതകാല സ്മൃതികളുടെ വിഷമുള്ളുകളാൽ കലുഷിതമായിരുന്നല്ലൊ. ഭാരപ്പെട്ട ഓർമ്മകളുമായി ഓട്ടം തുടങ്ങിയിട്ട് കുറച്ചധികം വർഷങ്ങൾ തന്നെ ആയിരിക്കുന്നു. തന്നിൽ [...]