ദൈവത്തോട് അടുക്കരുത്! (കവിത)ദൈവത്തോടു കൂടുതൽ അടുക്കരുത്;അടുത്താൽ, അബ്രാഹത്തെപ്പോലെ നിനക്കു നിന്റെദേശം വിട്ടു പോകേണ്ടിവരും,ജോസഫിനെപ്പോലെ അവർ നിന്നെ ഇരുപതുവെള്ളിക്കാശിനു വാണിഭം ചെയ്യും..മോശയോടെന്നപോലെ, നിന്റെ ജനം നിന്നെ പരാതികൾപറഞ്ഞു ശ്വാസം മുട്ടിക്കും,പാലും തേനും കിനിയുന്ന കാനാൻദേശം നിനക്കുകാണാക്കനിയാകും..ജോബിനെപ്പോലെ, മക്കളും വയലുകളുംസർവ്വസമ്പത്തും നിനക്കു നഷ്ടമാകും,നിന്റെ ഭാര്യപോലും നിന്നെ നിന്ദിക്കും..ദേശത്തിന്റെ അധികാരി നിന്നെ തീച്ചൂളയിൽ എറിയാൻകല്പിക്കും;ഡാനിയേലിനെപ്പോലെ, നീ സിംഹക്കുഴിയിൽതള്ളപ്പെടും..സ്നാപക യോഹന്നാനെപ്പോലെ, ഹേറോദേസിന്റെവാളിന്റെ വായ്ത്തല നിന്റെ രക്തം കുടിക്കും;നിന്റെ തല ഒരു തളികയിൽ ശലോമിയുടെപാരിതോഷികമായി കൊണ്ടുവരപ്പെടും..ഒടുവിൽ, മുപ്പതു വെള്ളകാശിന് നീ ഒറ്റുകൊടുക്കപ്പെടും;കുരിശിൽ നിന്റെ ജീവൻ നിലവിളിക്കുമ്പോൾ അവർആർത്തു ചിരിക്കും..അതുകൊണ്ട്, ദൈവത്തോടു കൂടുതൽ അടുക്കരുത് ..അടുത്താൽ നീ സ്നേഹിക്കാൻ നിർബന്ധിതനാകും;സ്നേഹം വേദനയാണ്.. [...]

ശിഷ്യൻ: പുരുഷനെ അറിയാത്തവൾ ഗർഭം ധരിച്ചതും, തന്റെ ഗർഭരഹസ്യം ഇളയമ്മയെ അറിയിക്കാൻ അവൾ തനിയെ ഒരു മലമ്പ്രദേശത്തു കൂടി വേപഥു പൂണ്ടു തിടുക്കത്തിൽ നടന്നതും സന്തോഷവർത്തമാനമോ? ഗുരു: ദൈവത്തിന് എല്ലാം സാധ്യമെന്നു വിശ്വസിച്ചതും, അവളുടെ അഭിവാദനസ്വരത്തിൽ എലിസബത്തിന്റെ ഉദരത്തിൽ ഒരു ശിശു കുതിച്ചു ചാടിയതുമാണ് സന്തോഷരഹസ്യങ്ങൾ! ശിഷ്യൻ: സത്രത്തിൽ ഇടം കിട്ടാതെ, നിറവയറുമായൊരുവൾ പാതിരാവിന്റെ ഇരുളിൽ അലഞ്ഞതും, ഒരു കിശോരത്തെ പുൽത്തൊട്ടിയിൽ പെറ്റിട്ടതും, അവനെ പൊതിയാൻ പിള്ളക്കച്ചകൾ തിരഞ്ഞതും സന്തോഷവർത്തമാനമോ? ഗുരു: ഒരു പുതുജീവന്റെ നാമ്പു തളിരിട്ടു പൂത്തതും, ആ ജീവന്റെ തുടിപ്പിൽ അവൾ ദൈവത്തെ തിരിച്ചറിഞ്ഞതുമാണ് സന്തോഷരഹസ്യങ്ങൾ! ശിഷ്യൻ: ഒരു ജോഡി ചെങ്ങാലികളെയോ രണ്ടു പ്രാവിൻ കുഞ്ഞുങ്ങളെയോ [...]

പുൽക്കുടിലോളം താഴാൻ നീ കനിഞ്ഞതു,ണ്ണീ പുൽക്കൊടി പോലുള്ളോരെൻ ജന്മഭാഗ്യം, കാലപ്പിഴകൾക്കു മാപ്പേകുവാനല്ലോ കാലം പകുത്തിങ്ങു വന്നതും നീ ധരേ.. തിരുപ്പാദേ ഉടഞ്ഞു വീഴുന്നതു,ണ്ണീ, ശ്രേഷ്ഠമാം നാർദീൻ തൈലക്കുപ്പിയോ, പൊള്ളയാ,മെൻ അഹം ബോധമോ, അതോ, അനുതാപാർദ്രമാം ഹൃദയമോ?! ക്ഷമിക്കും സ്നേഹത്തിൻ നിലാവാലല്ലോ ഉണ്ണീ, നിനക്കായ് ഞാൻ തീർത്തു നേർത്ത കമ്പളം; പങ്കിടും സൗഹൃദത്തിൻ നിറചിരിയല്ലോ ഉണ്ണീ, നിനക്കുള്ളോ,രെൻ കിലുക്കാംപെട്ടികൾ.. തുളുമ്പും ഹൃദയപുഷ്പത്തിലെ തേൻകണം നിനക്കായ് ഞാൻ മൂളു,മീ താരാട്ടുപാട്ടുകൾ, മുറിച്ചു നല്കിടും കരുണാഭാവമല്ലോ ഉണ്ണീ, നിനക്കുള്ളോ,രെൻ തിരുമുൽകാഴ്ചകൾ!!