ഓരോ തവണ യേശുവിനെ തള്ളിപ്പറഞ്ഞപ്പോഴും പത്രോസിന്റ കണ്ണുകൾ അവനെ ഉറ്റുനോക്കിക്കൊണ്ടിരുന്നു.. യേശു തിരിഞ്ഞ് അവനെ നോക്കി, അവനതു കണ്ടു, അവന്റെ ഹൃദയം കലങ്ങി, കണ്ണുനീർ കിനിഞ്ഞു.. അതൊരു നിശ്ശബ്ദ കുമ്പസാരമായിരുന്നു..

ഹോസ്പിറ്റലിൽ രവിയുടെ മുറിക്ക് പുറത്ത് റീമ മടിച്ചു നിന്നു. ഇടനാഴിയിൽ മുഴുവൻ മരുന്നിന്റെ മണമായിരുന്നു. എല്ലാവരും ദുഃഖിതരായി അങ്ങോട്ടുമിങ്ങോട്ടും വേഗത്തിൽ നടക്കുന്നതു കാണാമായിരുന്നു. ആശുപത്രിയെന്നാൽ മൊത്തത്തിൽ ഒരു ദുഖമാണ്, പ്രസവ വാർഡ് ഒഴികെ. കുറച്ചു നേരം നിശ്ചലയായ് അവൾ അവിടെ നിന്നു, അവളുടെ കൈ ഡോർ ഹാൻഡിലിനു മുകളിലൂടെ ചലിച്ചു. അവൾ കണ്ണുകൾ അടച്ച് ഒരു ദീർഘ നിശ്വാസമെടുത്ത് അകത്തേക്ക് കയറി. ഹാർട്ട് മോണിറ്ററിന്റെ നേരിയ ബീപ്പിംഗ് ഒഴികെ മുറിനിശ്ശബ്ദമായിരുന്നു. രവി കട്ടിലിൽ കിടക്കുകയായിരുന്നു. ഒരിക്കൽ കണ്ടാലാരും നോക്കിപ്പോകുന്ന അവന്റെ മുഖം വളരെ വിളറി പോയിരിക്കുന്നു. അവനെ ഇങ്ങനെ കണ്ടപ്പോൾ റീമയുടെ ഹൃദയം അവൾ പ്രതീക്ഷിക്കാത്ത വിധം വേദനിച്ചു. അവൻ കണ്ണുകൾ മെല്ലെ തുറന്നു, അവന്റെ നോട്ടം അവളുടെ കണ്ണുകളിൽ വന്നു നിന്നു. "നീ വന്നു അല്ലേ..." അവന്റെ ശബ്‌ദത്തിൽ ആശ്വാസത്തിന്റെ ഒരു സൂചന ഉണ്ടായിരുന്നു. അവളുടെ മനസ്സ് നിറയെ വികാരങ്ങളുടെ ഒരു വേലിയേറ്റമായിരുന്നു. “ഞാൻ വന്നു. പക്ഷെ എനിക്ക്... എങ്ങനെ [...]

Chapter 1 “As I walked out the door toward the gate that would lead to my freedom, I knew if I didn't leave my bitterness and hatred behind, I'd still be in prison.” ― Nelson Mandela തിരക്കേറിയ നഗരത്തിന്റെ ഓരം ചേർന്നു ആമി വേഗത്തിൽ നടന്നു. ശീഘ്രം പായുന്ന വാഹനങ്ങളുടെ ഇരമ്പലും അവയുടെ ഇടതടവില്ലാത്ത ഹോണുകളും ഒന്നും അവളുടെ കാതിലേക്കു എത്തുന്നുണ്ടായിരുന്നില്ല. അവളുടെ മനസ്സ് ഗതകാല സ്മൃതികളുടെ വിഷമുള്ളുകളാൽ കലുഷിതമായിരുന്നല്ലൊ. ഭാരപ്പെട്ട ഓർമ്മകളുമായി ഓട്ടം തുടങ്ങിയിട്ട് കുറച്ചധികം വർഷങ്ങൾ തന്നെ ആയിരിക്കുന്നു. തന്നിൽ നിന്നു തന്നെയുള്ള ഒരു തരം ഒളിച്ചോട്ടം.. റീനി ഇതുവരെ വീട്ടിൽ എത്തിയിട്ടില്ലെന്നു കതകു തുറന്ന പാടേ ആമി തിരിച്ചറിഞ്ഞു. റഫ്രിജറേറ്ററിന്റെ വിരസമായ മൂളൽ ഒഴികെ വീട് ശബ്ദരഹിതം. കുറച്ചു വർഷങ്ങളായി ആമിക്ക് ആകെയുള്ള കൂട്ടു റീനിയാണ്; റീനിക്കും അങ്ങനെ തന്നെ. ചായക്കു [...]